O núcleo do grupo de investigación Food and Health Omics está integrado por catro Profesoras Titulares da Universidade de Vigo que desempeñamos a nosa labor investigadora na Facultade de Ciencias do Campus de Ourense. Vimos traballando conxuntamente dende o ano 2008 e no ano 2021 decidimos constituírnos como novo grupo de investigación dentro da Universidade de Vigo. Dende o ano 2022 somos grupo de Referencia Competitiva recoñecido pola Xunta de Galicia.

O grupo viuse reforzado coa incorporación de tres investigadoras post-doutorais, un investigador pre-doutoral e un técnico de laboratorio. A incorporación deste novo persoal permitiu afianzar as liñas de investigación existentes e abrir outras novas relacionadas cos ámbitos de traballo do grupo.